दाङमा तालिम दिन पुगेका चार सैनिकमा कोरोना संक्रमण

बुटवल – दाङमा तालिम दिन आएका चार जना सैनिकमा कोरोना संक्रमण देखिएको छ ।  नेपाली सेनाको तुलसीपुरस्थित बाहिनीमा तालिमका लागि आएका सेनाहरुको स्वाब परिक्षणका क्रममा ४ जनामा कोरोना संक्रमण देखिएको हो ।

तुलसीपुर उपमहानगरपालिका ठेगाना भएका ३ जना र लमही नगरपालिका ठेगाना भएका एक जना गरी चार जना नेपाली सेनामा कोरोना संक्रमण देखिएको नेपाली सेनाले जनाएको छ ।  सेनाका अनुसार उनीहरु बाहिरी जिल्लामा कार्यरत रहेको र तालिमका लागि तुलसीपुर बाहिनीमा आएका हुन् । उनीहरुलाई आइसोलेशनमा राखिएको छ ।

चार जाना सेना सहित अन्य तीन जनामा पनि कोरोना संक्रमण देखिएको छ । भेरी अस्पताल नेपालगञ्जमा गरिएको स्वाब परिक्षणमा बबई गाउँपालिकाका २ जना पुरुष र एक जना महिला गरि ३ जनामा कोरोना पोजेटिभ देखिएको छ ।