महोत्तरीमा कोरोनाबाट थप १ जनाको मृत्युु, मृत्यु हुने संक्रमितको संख्या १२ पुग्यो

जनकपुर—महोत्तरीमा थप एकजना कोरोना संक्रमितको मृत्यु भएको छ । प्रादेशिक अस्पताल जनकपुरमा उपचारको क्रममा शुक्रबार महोत्तरीको मनरा सिसवा नगरपालिका बथनाहाका ६५ वर्षीय पुरुषको मृत्यु भएको हो ।

उच्च रक्तचापका बिरामी उनी श्वासप्रश्वासमा समस्या र ज्वरो आएपछि उपचारको लागि भदौं १९ गते प्रादेशिक अस्पतालमा उपचारका लागि भर्ना गरिएको थियो । भेन्टिलेटरमा राखेर उपचार भइरहेका उनको शुक्रबार मृत्यु भएको प्रदेश २ सामाजिक विकास मन्त्रालयका जनस्वास्थ्य प्रशासक विजय झाले बताए ।

उनलाई उपचारको लागि ल्याएपछि स्वाब परिक्षण गरेपछि कोरोना पुष्टि भएको थियो । मृतक बृद्धलाई नेपाली सेनाको टोलीले शव व्यवस्थापन गरेको छ ।