प्रदेश २ बाट खोप अभियान सुरु हुने

काठमाडौँ –  नेपालमा खोप अभियान प्रदेश दुईबाट सुरु हुने स्वास्थ्य मन्त्री हृदेयश त्रिपाठीले बताए। भारतबाट आएको खोप बुझ्न बिहिबार त्रिभुवन विमानस्थल पुगेका मन्त्री त्रिपाठीले पहिलो खोप अभियान प्रदेश २बाट हुने बताएका हुन्।

उनले पहिलो चरणको खोप सुरक्षाकर्मी, स्वास्थ्यकर्मी लगयातका अग्रपंक्तिमा खटिएका कर्मचारीलाई दिईने बताए। अनुदानमा आएको खोप नि:शुल्क र न्यायपुर्ण तरिकाले वितरण गरी १० दिनमा सदुपयोग गर्ने उनले प्रतिबद्दता जनाए।

यी खोपको डोज पर्याप्त नहुने बताउँदै मन्त्री त्रिपाठीले भने, ‘अझै ४० लाख खोप अति-आवश्यक देखिन्छ, अब खरिद प्रकियामा अघि बढ्नेछौं।’