स्टार अस्पतालमा शल्यक्रियासहित अन्तरंग र बहिरंगका सबै सेवा सुचारू

काठमाडौं–ललितपुरको सानेपास्थित स्टार अस्पतालले शल्यक्रियासहितका अन्तरंग र बहिरंगलगायतका सबै सेवाहरु सुचारु गरेको छ । मंगलबार अस्पताल प्रशासनले एक विज्ञप्ति जारी गर्दै कोभिड–१९ का कारण रोकिएका सबै सेवाहरु सुचारु गरिएको जनाएको छ ।

अस्पतालले नियमित स्वास्थ्य जाँच, शल्यक्रिया, र गम्भीर प्रकृतिका बिरामीको उपचारलगायतका अस्पताल सबै सेवाहरु नियमित गरेको हो ।

‘अहिले गम्भीर प्रकृतिका बिरामीहरु सघन उपचार कक्षमा भर्ना हुने संख्या वृद्धि भएको हुँदा यस अस्पतालमा कोरोना संक्रमित र अन्य रोगका बिरामीहरुलाई छुट्टा–छुट्टै अन्तरंग र बहिरंग दुवै सेवा पूर्ण रुपमा सञ्चालनमा रहेको जानकारी गराउँदछौं,’ अस्पतालले भनेको छ ।

अस्पतालले विहान ८ बजेदेखि बेलुकी ८ बजेसम्म ओपीडी सेवा र २४ सैं घण्टा अन्य सम्पूर्ण सेवा दिने जनाएको छ ।