४९१४ जना कोभिड-१९ संक्रमणमुक्त, २०१६ जना नयाँ संक्रमित थपिए

काठमाडौं-नेपालमा थप २ हजार १६ जनामा कोभिड-१९ को संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप २ हजार १६ जनामा कोभिड-१९ पोजेटिभ देखिएको हो ।

यससँगै नेपालमा अहिलेसम्म कोभिड-१९ संक्रमित हुनेको संख्या ६ लाख ३२ हजार ६ सय २६ पुगेको छ ।

पछिल्लो २४ घण्टामा ४ हजार ९ सय १४ जना संक्रमणमुक्त भएका छन् । यससँगै अहिलेसम्म कोभिड-१९ संक्रमणमुक्त हुनेको संख्या ५ लाख ८१ हजार ३ सय २७ पुगेको छ ।

नेपालमा पछिल्लो २४ घण्टामा ३० जनाको कोभिड-१९ को संक्रमणबाट मृत्यु भएको छ । यससँगै नेपालमा कोभिड-१९ बाट मृत्यु हुनेको संख्या ८ हजार ९ सय ७५ पुगेको छ ।