जापानबाट ५ लाख डोज अष्ट्राजेनेकाको खोप काठमाडौं आइपुग्यो

काठमाडौं—जापान सरकारले नेपाललाई अनुदानमा उपलब्ध गराएको मध्ये ५ लाख डोज अस्ट्राजेनेकाको खोप नेपाल आइपुगेको छ । शनिबार विहान ५ लाख डोज खोप नेपाल आइपुगेको हो ।

जापान सरकारले नेपाललाई १६ लाख डोज अस्ट्राजेनेकाको खोप अनुदानमा दिनेछ । जसमध्ये आइतबार ३ लाख डोज खोप आउने छ । बाँकी खोप भने जापान सरकारले एक हप्तापछि नेपाललाई उपलब्ध गराउने तयारी छ ।

उक्त खोप कोभिशिल्ड खोपको पहिलो डोज लगाएर बसेका नागरिकलाई दिइनेछ । मन्त्रालयकाअनुसार यो खोपको प्राथमिकताको सूचीमा ६५ वर्षमाथिका कोभिशिल्डको पहिलो डोज लगाएका नागरिकहरु छन् ।

आइतबारबाट नै उनीहरुलाई दोस्रो डोज खोप दिने तयारी छ । यसअघि भारतको सेरम इन्टिच्युट अफ इण्डियाले नेपालले खरिद गरेकोमध्ये १० लाख डोज कोभिशिल्ड खोप आपूर्ति नगर्दा नेपालमा पहिलो डोज लगाएको दोस्रो डोज खोप लगाउन पाएका छैनन् ।