दक्षिण कोरियामा ओमिक्रोनबाट दुई जनाको मृत्यु

काठमाडौं – कोभिड-१९को नयाँ भेरियन्टबाट दक्षिण कोरियामा दुई जनाको मृत्यु भएको छ। दक्षिण कोरियामा ओमिक्रोनबाट मृत्युको केस सार्वजनिक भएको यो पहिलोपटक हो।

कोरिया रोग नियन्त्रण तथा रोकथाम एजेन्सीका अनुसार ग्वाङ्जुको नर्सिङ अस्पतालमा अस्पताल भर्ना भएका सो दुई व्यक्तिको मृत्यु भएको हो। त्यहाँको सरकारले ओमिक्रोनले भय सृजना गरेको उल्लेख गरेका छन्।

मृत्यु हुने मध्ये एकको २७ डिसेम्बर र अर्को व्यक्तिको २९ डिसेम्बरमा मृत्यु भएको थियो। सोमबार मात्रै ओमिक्रोनबाट मृत्यु भएको पुष्टि भएको हो।