स्वास्थ्यका कर्मचारीले स्तरवृद्धि भर्दा के के विवरण चाहिन्छ? (नमुना फारम सहित)

काठमाडौ–स्वास्थ्य सेवा विभागले कर्मचारीले स्तरवृद्धि लागि आवश्यक विवरणसहितको नयाँ नमुना फारम सार्वजनिक गरेको छ ।

मंगलबार सार्वजनिक गरेको नमुना फारममा स्वास्थ्य सेवामा नियुक्ति भएदेखी हालसम्मका कार्यालयको नाम, दुर्गम क्षेत्रमा खटेको भए त्यसको विवरण माग गरिएको छ ।

नियुक्ति/सरुवा/बढुवा वा तह मिलान भएको भए त्यसको विवरण उल्लेख गर्ने भनिएको छ । त्यसको निर्णय वा सिफारिसको मिति उल्लेख गर्न भनिएको छ । कर्मचारीले स्तरवृद्धि भर्दा कार्यालयमा हाजिर भएको मिति, हासिल गरेको उच्चतम शैक्षिक योग्यता, गयल कट्टी गरिएको विवरण पनि उल्लेख गर्न भनेको छ ।

फारममा यदि तलब, बढुवा रोक्का भएको छ भने रोक्का भएको मिति पनि उल्लेख गर्नुपर्नेछ । साथै अध्ययन विधा छ भने सो खुलाउने र कार्यालयमा अनुपस्थिती छ भने त्यो पनि उल्लेख गरी भर्न भनिएको छ ।