नोबेलमा इआरसीपी उपचार पुन: संचालनमा

विराटनगर –  विराटनगरस्थित नोबेल शिक्षण अस्पतालमा पुनःइआरसीपी सेवा सुरु भएको छ । कोभिडका कारण करिब दुई वर्षयता स्थगित भएको यो सेवा अहिले पुनः संचालनमा ल्याएको हो ।

कोभिड महामारीले अवरुद्ध भनेको उक्त सेवा कोभिड संख्या घटेपछि पुन: सुचारु गरेको अस्पतालले जनाएको छ । नोबेलले पूर्वी नेपालमै पहिलो पटक २०७५ सालबाट प्रयोगमा ल्याएको थियो ।

विना चिरफार गरी इआरसीपी विधिबाट पित्तनलिमा भएको पथरिया निकाल्न सकिन्छ  । यसमा मुखबाट इण्डोस्कोप छिराएर पित्तनलिमा भएको पथरिया निकालिन्छ  । सो विधि बिरामीका लागि निकै सहज र फाइदाजनक मानिन्छ । इआरसीपी विधिमार्फत मुखबाट इण्डोस्कोप छिराइ ढुंगालाई तानेर निकालिने हुँनाले बिरामीलाई खासै असर पर्दैन ।

पित्तनलीमा क्यान्सर वा ढुंगा बसेर जण्डिस भएका बिरामीको उपचार र आन्द्राको क्यान्सर तथा पैंक्रियाजको क्यान्सर पत्ता लगाउन पनि यो विधिलाभदायी रहेको चिकित्सकहरुको भनाई छ ।