भारतमा कोभिड-१९ संक्रमण निरन्तर बढ्दैं

नयाँदिल्ली-भारतमा कोभिड-१९ को संक्रमण पछिल्ला दिनहरुमा निरन्तर उकालो लागिरहेको छ । पछिल्लो २४ घण्टामा मात्रै ३ हजार बढीमा कोभिड-१९ संक्रमण पुष्टि भएको छ ।

भारतीय स्वास्थ्य मन्त्रालयको आँकडाअनुसार पछिल्लो २४ घण्टामा ३ हजार ३ सय ९ वटा नयाँ कोभिड केस पुष्टि भएका छन् भने १७ जनाको मृत्यु भएको छ ।

भारतमा सक्रिय संक्रमितको संख्या १५ हजार ६ सय ६९ पुगेको छ ।

पछिल्लो २४ घण्टामा २ हजार ६ सय ४२ जना संक्रमणमुक्त भएका छन् । भारतमा कोभिड-१९ संक्रमणमुक्त हुने दर ९८.७४ प्रतिशत रहेको छ ।