आज थप १ सय ७१ जनामा कोभिड–१९ संक्रमण : २ को मृत्यु

काठमाडौं – नेपालमा थप १ सय ७१ जनामा कोभिड–१९ संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा १ सय ७१ जनामा कोभिड–१९ संक्रमण पुष्टि भएको हो ।

संक्रमणबाट आज २ जनाको मृत्यु भएको छ । हालसम्म मृत्यु हुनेको संख्या १२ हजार ३९ जना पुगेको छ ।

त्यस्तै, पछिल्लो २४ घण्टामा ८५ जना कोभिड-१९ संक्रमणमुक्त भएका छन् । यससँगै अहिलेसम्म संक्रमणमुक्त हुनेको संख्या ९ लाख ८९ हजार ९२४ पुगेको छ ।

नेपालमा मंगलबारसम्म ३९७ जना कोभिड–१९ का सक्रिय संक्रमित रहेका छन् ।