सुप स्वास्थ्य निर्देशनालयले समाग्री खरिदमा अनियमितता गरेको भन्दैं अख्तियारमा उजुरी

धनगढी-सुदूरपश्चिम प्रदेशको समाजिक विकास मन्त्रालयअन्तर्गत सुदूरपश्चिम स्वास्थ्य निर्देशनालयले स्वास्थ्य समाग्री खरिदमा अनियमितता गरेको भन्दै अख्तियारमा उजुरी परेको छ ।

समाजिक विकास मन्त्रालयले प्रदेशकै ८८ स्थानीय तहका लागि खरिद गर्ने विभिन्न स्वास्थ्य उपकरण एव समाग्री खरिदमा अनियमितता भएको भन्दै अख्तियार दुरुपयोग अनुसन्धान आयोग कञ्चनपुरको कार्यालयमा उजुरी परेको हो ।

अख्तियार दुरुपयोग अनुसन्धान आयोग कञ्चनपुरका प्रवक्ता टोप बहादुर विष्टले गत साता समाग्री खरिदमा १२ करोडका समाग्री खरिदमा अनियमिता गरेको भन्दै उजुरी गरेको बताए ।

‘अख्तियारमा उजुरी परेको छ, ‘प्रवक्ता विष्टले भने, ‘हामीले छानबिनका लागि सम्बन्धीत कार्यालयबाट कागजपत्र झिकाएका छौँ ।’