स्वास्थ्यबाट सहसचिवद्वय आचार्य र अधिकारी बाहिरिए, पाण्डे भित्रिइन्

काठमाडौं—स्वास्थ्य तथा खाद्य स्वच्छता मन्त्रालयका दुई सहसचिवको सरुवा भएको छ । मन्त्रिपरिषद् बैठकले मन्त्रालयका प्रशासनका सहसचिव दिवस आचार्य र गोविन्द अधिकारीको सरुवा गरेको हो ।

आचार्यको कोशी प्रदेशमा सरुवा भएको छ । स्वास्थ्य मन्त्रालयअन्तर्गत नै कार्यरत रहेका सहसचिव अधिकारी भने अख्तियार दुरुपयोग अनुसन्धान आयोग पुगेका छन् ।

सहसचिव हुमकला पाण्डे स्वास्थ्य मन्त्रालय भित्रिएकी छन् । यसअघि उनी उधोग वाणिज्य तथा आपूर्ति मन्त्रालयमा कार्यरत थिइन् । अब पाण्डेले स्वास्थ्यको कर्मचारी प्रशासनको  जिम्मेवारी सम्हाल्ने छिन् ।

सरकारले आचार्य, अधिकारी र पाण्डेसहित विभिन्न निकायमा कार्यरत २७ जना सहसचिवहरुको सरुवा गरेको हो ।