निर्वाचनमा तीन दिन विदा दिन आयोगको सिफारिस

काठमाडौं— २१ फागुनमा हुने निर्वाचनमा तीन दिन विदा दिन निर्वाचन आयोगले सरकारलाई सिफारिस गरेको छ । आइतबार निर्वाचन आयोगले सरकारलाई पत्र लेख्दैं निर्वाचनका बेला तीन दिन सार्वजनिक विदा दिन सिफारिस गरेको हो ।

आयोगका प्रवक्ता नारायणप्रसाद भट्टराईले २०, २१ र २१ गते सार्वजनिक विदा दिन सिफारिस गरेको जानकारी दिए । उनले निर्वाचनमा मतदाताको उत्साहजनक सहभागिताका लागि तीन दिन विदा दिन सिफारिस गरिएको बताए ।

निर्वाचन आयोगको सिफारिसमा विदाबारे औपचारिक निर्णय भने मन्त्रिपरिषद् बैठकले गर्नेछ ।

निर्वाचनका बेला आयोगले तीन दिन विदा दिन सिफारिस गरेपछि सरकारी कार्यलय भने एक साता बन्द हुनेछन् । १८ फागुनमा पहाडी होलीका कारण ५६ जिल्लामा सार्वजनिक विदा छ भने १९ गते तराईमा होलीको विदा छ । यस्तै, २३ फागुनमा भने शनिबार परेको छ ।