२०८३ मंसिर ६, आइतवार
Health Aawaj logo
गृहपृष्ठ ∕ प्रदेश १ ∕ सामान्य वर्षाले कोशी अस्पताल जलमग्न, बिरामीलाई सास्ती

सामान्य वर्षाले कोशी अस्पताल जलमग्न, बिरामीलाई सास्ती


विराटनगर—कोशी प्रदेशकै ठूलो सरकारी स्वास्थ्य संस्था कोशी अस्पतालको परिसर सामान्य वर्षाले जलमग्न बनेको छ । बुधबार बिहानको सामान्य वर्षाले पनि अस्पताल परिसर जलमग्न भएको हो ।

ढलको उचित निकास नहुँदा र निर्माणाधीन भवनका कारण अस्पतालको ओपीडी जाने सडक र परिसर जलमग्न हुने गरेको हो ।

अस्पताल परिसर डुबानमा पर्दा उपचारका लागि आएका बिरामी र तिनका आफन्तले निकै सास्ती खेप्नु परेको छ । कतिपय बिरामी जमेको पानीबाटै हिँडेर ओपीडीसम्म पुग्न बाध्य थिए भने कतिपयलाई ह्विलचियरमा लैजान समेत हम्मे—हम्मे परेको थियो ।

निजी अस्पतालहरूले १६ जेठदेखि स्वास्थ्य बीमा कार्यक्रमअन्तर्गतको सेवा बन्द गरेपछि अहिले कोशी अस्पतालमा बिरामीको चाप अत्याधिक बढेको छ । अस्पतालको तथ्यांकअनुसार अहिले दैनिक १८ सयभन्दा बढी बिरामी सेवा लिन आउने गरेका छन् ।

तर, अस्पतालको भौतिक पूर्वाधार र ढल व्यवस्थापनको कमजोरीले सेवाग्राहीलाई थप पीडा दिएको छ ।


क्याटेगोरी : प्रदेश १



तपाईको प्रतिक्रिया दिनुहोस


ट्रेण्डिङ