नेपाल क्यान्सर अस्पतालको तेस्रो वार्षिक साधारणसभा सम्पन्न

काठमाडौं—नेपाल क्यान्सर अस्पताल एण्ड रिसर्च सेन्टर लिमिटेडले १५ प्रतिशत नगद लाभांश वितरण गर्ने भएको छ । अस्पतालले २०८०/८१ को नाफाबाट शेयरधनीहरुलाई १५ प्रतिशत लाभांश वितरण गर्न लागेको हो ।

३० चैतमा अस्पतालमै भएको तेस्रो वार्षिक साधारणसभाले उक्त निर्णय गरेको हो । अस्पतालका अध्यक्ष डा. सुदिप श्रेष्ठको अध्यक्षतामा बसेको साधारण सभाले वार्षिक प्रतिवेदन समेत पारित गरेको छ ।

यस्तै, अस्पतालको आर्थिक वर्ष २०८०/८१ को लेखा परिक्षण पारित गर्ने र आर्थिक वर्ष २०८१/८२ का लागि लेखा परीक्षक नियुक्त गर्ने निर्णय पनि साधारणसभाले गरेको छ ।