गण्डकी प्रदेशका ५ जिल्लामा थप १८ मा कोरोना पुष्टि

पोखरा – गण्डकी प्रदेशमा थप १८ मा कोरोना पुष्टि  भएको छ । गण्डकी प्रदेशको प्रादेशिक प्रयोगशाला पोखरामा कोभिड–१९ परीक्षण गर्दा पाँच जिल्लाका थप १८ जनामा पुष्टी भएको हो ।

प्रदेश स्वास्थ्य निर्देशनालय गण्डकी प्रदेशले मंगलबार बिहान ६ः२५ मा सार्वजानीक गरेको संक्रमितको तथ्यांक अनुसार स्याङ्जा चापाकोटका ४ पुरुष, गोरखा नगरपालिकाका ७ पुरुष, गोरखा वारपालक सुलिकोटका १ महिला २ पुरुष रहेका छन् ।

त्यसैगरी, नवलपरासीको बिनयत्रिवेणी र मध्यविन्दु पालिकाका २ पुरुषमा संक्रमण पुष्टि भएको छ। अन्यमा पोखरा महानगरपालिकाका १ र बाग्लुङ्ग ताराखोला गाउपालिकाका १/१ जना रहेका छन् ।

उनीहरु सबै भारतबाट फर्किएर क्वारेन्टाइनमा बसेकाहरु रहको निर्देशनालय प्रमुख डा. विनोद विन्दु शर्माले जानकारी दिए ।
योसँगै सो प्रदेशमा संक्रमितको संख्या २ सय २३ पुगेको छ ।