जाजरकोटकी एक सुत्केरी महिलाको हेलिकोप्टरमार्फत उद्धार

वीरेन्द्रनगर–जाजरकोटकी एक जना सुत्केरी महिलाको हेलिकोप्टरमार्फत उद्धार गरिएको छ ।  जिल्लाको बारेकोट गाउँपालिका– ६ की १८ वर्षीया सपना बस्नेतलाई बिहीबार बिहान ११ बजेतिर रुकुम पश्चिम चौरजहारी अस्पतालबाट हेलिकोप्टर उद्धार गरेर कर्णाली प्रदेश अस्पताल ल्याइएको हो  ।

बस्नेतले लामो समय सुत्केरी व्यथा लागेपछि मृत शिशुलाई जन्म दिएकी थिइन् । त्यसपश्चात्  उनको स्वास्थ्यमा जटिल समस्या आएपछि  उपचारका लागि कर्णाली प्रदेश अस्पतालमा पुर्‍याइएको बारेकोट गाउँपालिकाका अध्यक्ष वीरबहादुर गिरीले बताए ।

चौरजहारी अस्पतालबाट बस्नेतका साथमा एक जना डाक्टर पनि पठाइएको अस्पतालका प्रशासक दिलबहादुर गिरीले बताए ।