२०८१ असार ४, सोमबार
Health Aawaj logo
गृहपृष्ठकर्णाली प्रदेशमुगुमा स्वास्थ्यकर्मीमाथि जातीय विभेद गरेको आरोपमा दुई जना पक्राउ

मुगुमा स्वास्थ्यकर्मीमाथि जातीय विभेद गरेको आरोपमा दुई जना पक्राउ


जुम्ला—मुगुमा स्वास्थ्यकर्मीमाथि जातीय विभेद गरेको आरोपमा प्रहरीले दुई जनालाई पक्राउ गरेको छ । आइतबार प्रहरीले स्वास्थ्यकर्मीमाथि जातीय विभेद गरेको आरोपमा धनप्रसाद भट्ट र झ्यापु शाहीलाई पक्राउ गरेको हो ।

मुगुको सोरु गाउँपालिका—९, खनैयाँ स्वास्थ्य चौकीमा अनमीको रुपमा कार्यरत दाङकी तुलसाकुमारी विकले आफूमाथि जातीय विभेद भएको भन्दै प्रहरीमा जाहेरी दर्ता गरेकी थिइन् । उनको जाहेरीपछि उनीहरूलाई पक्राउ गरिएको जिल्ला प्रहरी कार्यालय मुगुका प्रमुख प्रहरी नायव उपरीक्षक वीरेन्द्र थापाले जानकारी दिए ।

विकले सोरू गाउँपालिका—९ की ५४ वर्षीय झ्यापु शाही, सुरजकुमार शाही र सोही पालिकाको वडा नम्बर ६ का धनप्रसाद भट्टविरूद्ध किटानी जाहेरी दिएकी थिइन् ।

सोहीअनुसार भट्ट र झ्यापु शाहीलाई पक्राउ गरी जिल्ला अदालत मुगुबाट म्याद थप भइसकेको थापाले जानकारी दिए ।


क्याटेगोरी : कर्णाली प्रदेश



तपाईको प्रतिक्रिया दिनुहोस


ट्रेण्डिङ