कुनै पनि चिकित्सक र कर्मचारीलाई कोभिड–१९ पुष्टी भएको छैन : त्रिवि शिक्षण अस्पताल

काठमाडाै-त्रिवि शिक्षण अस्पतालले आफ्नो कुनै पनि कर्मचारी, स्वास्थ्यकर्मी र चिकित्सकमा कोभिड-१९ पुष्टी नभएको जनाएको छ । अस्पतालले शनिबार निकालेको विज्ञप्तीमा अस्पतालमा बिहिबार उपचारमा आएकी ६ वर्षीया बालिकामा कोभिड-१९ पुष्टी भएको थियो ।

उपचाररत बालिकामा कोभिड पुष्टी भएसँगै शुक्रबार संचारमाध्यमहरुमा अस्पतालका कर्मचारी र चिकित्सकलाइ कोभिड- १९ पुष्टी भएको भन्ने आएपछि अस्पतालले त्यसमा आपत्ति जनाएको हो ।

अस्पतालका कोभिड-१९ व्यवस्थापन समितिका संयोजक प्रा.डा. सन्तकुमार दासले बिहिबार कोभिड-१९ प्रमाणित भएकी बालिका आफन्तमा कोभिड-१९ पुष्टी भएको तर अस्पतालका कुनै पनि कर्मचारीमा अहिलेसम्म पुष्टी नभएको बताए ।