२०८१ साउन ९, बुधबार
Health Aawaj logo
गृहपृष्ठबाग्मती प्रदेशसरकारी क्यान्सर अस्पतालका निर्देशक नै निजी अस्पतालमा धाउँदै

सरकारी क्यान्सर अस्पतालका निर्देशक नै निजी अस्पतालमा धाउँदै


काठमाडौं—सरकारले सरकारी सेवामा आवद्ध चिकित्सकलाई निजी क्लिनिक जान रोक लगाएको छ । तर, त्यसको पालना भने भएको छैन । विपी कोइराला मेमोरियल क्यान्सर अस्पताल भरतपुरका चिकित्सहरु निजी अस्पतालमा केन्द्रित हुँदा बिरामी मर्कामा परेका छन् ।

कोरोना भाइरसको त्रासको बेलामा समेत अस्पतालका कार्यकारी निर्देशक डा. देजकुमार गौतम अस्पताल छाडेर निजीमा सेवा दिइरहेको भेटिएको छ । उनले मंगलबार साँझ भरतपुरमा रहेको चितवन हस्पिटलमा एक विरामीको अपरेशन गरेको फेला परेको छ । नाक, कान, घाटीको क्यान्सर सम्बन्धि रोगको सर्जरी गर्दै आएका उनले आफ्नै अस्पतालमा भएको सेवा पनि निजीमा गएर दिएको भेटिएको हो ।

स्वास्थ्य तथा जनसंख्या मन्त्रालयको ९ साउनमा आफूअन्तर्गतका विभाग, केन्द्र, महाशाखा, परिषद् र प्रतिष्ठान तथा तीनवटै तहका स्वास्थ्य संस्थाहरूमाकार्यरत प्रमुख वा कार्यकारी प्रमुखले निजी अस्पतालमा काम गर्न नपाउने भनेको छ । अस्पतालका अनुसार यस अस्पतालका दुई तिहाई चिकित्सक निजीमा आवद्ध छन् ।

निर्देशक डा. गौतमले आफू निजीमा गएर सेवा दिएको स्वीकार गरेका छन् । ‘चिनजानको मान्छेले नै तपाईंले यो बिरामी हेर्दिन प¥यो भने पछि हेरेको हुँ,’ उनले भने ।

तस्विरः मंगलबार चितवन हस्पिटलमा सर्जरी गर्दै डा. गौतम


क्याटेगोरी : बाग्मती प्रदेश, समाचार



तपाईको प्रतिक्रिया दिनुहोस


ट्रेण्डिङ