जुम्लाका प्रमुख जिल्ला अधिकारी थापालाई कोरोना संक्रमण

जुम्ला – जुम्लाका प्रमुख जिल्ला अधिकारी भुपेन्द्र थापालाई कोरोना संक्रमण भएको छ । प्रजिअ थापाको कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा स्वाब परीक्षण गर्दा कोरोना संक्रमण पुष्टि भएको हो ।

प्रजिअ थापाले कोरोना भाइरसको महामारीको समयमा जनताको जीवनको सुरक्षा गर्ने सिलसिलामा आफु पनि संक्रमित भएको सामाजिक सञ्जालमा बिहीबार सार्वजनिक गरेको हुन् ।

प्रजिअ थापाले सामाजिक सञ्जालमा यस्तो भनेका छन्, ‘जनताको जीवनको सुरक्षा गर्ने सिलसिलामा काँधमा जिम्मेवारी र हृदयमा ईमान्दार बोकेर कर्तव्य पालनाको सिलसिलामा कोरोना युद्वमा अहोरात्र खटिदा आज (विहिबार) म पनि कोरोनावाट संक्रमित हुन पुगेको छु । आजै बिहीबारदेखि आईसोलेसन बसेको छु । कार्यालयसँग सम्वन्धित कामका लागि सहायक प्रजिअको मोबाइल नं ९८५८३२०३८० सम्पर्क गर्न हुन अनुरोध छ । छिट्टै तपाईंहरुको सेवामा फर्किने आशामा छु । तपाईंहरु सुरक्षित हनु होला ।’