थपिए २ हजार ५ सय ६९ जना कोरोना संक्रमित, संक्रमितको संख्या २ लाख नाघ्यो

काठमाडौं—नेपालमा थप २ हजार ५ सय ६९ जनामा कोरोना भाइरस (कोभिड—१९) को संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमकाअनुसार पछिल्लो २४ घण्टामा २ हजार ५ सय ६९ जनामा कोरोना संक्रमण पुष्टि भएको हो ।

काठमाडौं उपत्यकामा १ हजार २ सय ६१ जनामा कोरोना संक्रमण पुष्टि भएको छ । डा. गौतमकाअनुसार पछिल्लो २४ घण्टामा काठमाडौंमा ९ सय ७६ जना, भक्तपुरमा ८१ जना र ललितपुरमा २०४ जनामा कोरोना संक्रमण पुष्टि भएको हो ।

पछिल्लो २४ घण्टामा १ हजार ६ सय ६६ जना कोरोना संक्रमणमुक्त भएका छन् ।

अहिलेसम्म नेपालमा १५ लाख ७४ हजार २ सय ९५ जनाको पिसिआर परीक्षण भएको छ । जसमध्ये २ लाख २ हजार ३ सय २९ जनामा कोभिड—१९ संक्रमण देखिएको छ ।

जसमध्ये १ लाख ६२ हनार २ सय ४३ जना कोरोना संक्रमण मुक्त भएको मन्त्रालयले जनाएको छ ।