काठमाडौं—नेपाल मेडिकल काउन्सिलले डिजिटल जिज्ञासा, गुनासो, उजुरी तथा सुझाव पोर्टलका रुपमा ‘हेलो एनएमसी’ सञ्चालनमा ल्याएको छ । बिहीबारबाट काउन्सिलले आम नागरिक तथा दर्तावाला चिकित्सकहरुको गुनासा, सुझाव र उजुरीजस्ता कामलाई सहज बनाउन ‘हेलो एमएमसी’ औपचारिक रुपमा सञ्चालनमा ल्याएको काउन्सिलका निमित्त रजिष्ट्रारा डा. दिपेन्द्र पाण्डेले जानकारी दिए ।
‘हेलो एनएमसी’ पोर्टल सञ्चालनमा आएसँगै काउन्सिलका दर्तावाला चिकित्सक तथा आम सर्वसाधारणले काउन्सिलमा भौतिक रुपमा उपस्थिती नभइकनै काउन्सिलका कामकारवाही, प्रशासनिक सेवा वा चिकित्सा क्षेत्रसँग सम्बन्धि विषयमा आफ्ना जिज्ञासा, उजुरी, गुनासो र सुझावहरु अनलाइनबाटै दर्ता गर्न सक्नेछन् ।
यसअघि काउन्सिलले काउन्सिलमा आउने चिकित्सक र अन्य सर्वसाधारणको असुविधालाई मध्यनजर गर्दै काउन्सिलभित्रै फोटोकपी सुविधा र कफी पिउने सुविधा पनि गरेको थियो ।
