कोरोनाका कारण डा. ध्रुव शर्मा मुडभरीको निधन

काठमाडौं– कोरोना भाइरस (कोभिड–१९) को संक्रमणबाट डा. धु्रव शर्मा मुडभरीको निधन भएको छ । शनिबार चावहिलस्थित ओम अस्पतालमा डा. मुडवरीको निधन भएको अस्पतालले जनाएको छ ।

शल्य चिकित्सक डा. मुडभरीलाई २७ कात्तिकमा कोरोना संक्रमण पुष्टि भएको थियो । २७ गते नै अस्पताल भर्ना भएका उनमा श्वासप्रश्वासको समस्या देखिएको थियो । करिव ७ दिन अस्पतालमा उपचारपश्चात उनी डिस्चार्ज भएका थिए ।

पुन श्वासप्रश्वासमा समस्या देखिएपछि उनलाई ३ मंसिरमा अस्पताल भर्ना गरिएको अस्पतालले जनाएको छ । उपचारको क्रममा उनको शनिबार दिउँसो ४ बजे मृत्यु भएको हो ।

डा. मुडभरीको नेपालका विभिन्न ठाउँमा शल्य चिकित्सा सेवा सुरु गराउनमा ठूलो योगदान रहेको छ ।