२०८१ असार ९, शनिबार
Health Aawaj logo
गृहपृष्ठप्रदेश १बिपी प्रतिष्ठानमा एमबीबीएस अध्ययनरत विद्यार्थी पक्राउ, होस्टेलको ढोका तोडफोड गरेको आरोप

बिपी प्रतिष्ठानमा एमबीबीएस अध्ययनरत विद्यार्थी पक्राउ, होस्टेलको ढोका तोडफोड गरेको आरोप


विराटनगर—सुनसरीको धरानस्थित बिपी कोइराला स्वास्थ्य विज्ञान प्रतिष्ठानमा एमबीबीएस अध्ययरत एक जना विद्यार्थीसहित दुई जना पक्राउ परेका छन् ।

मदिरा सेवन गरी प्रतिष्ठानको होस्टेलको ढोका फोरेको आरोपमा विराटनगर– १७ का २६ वर्षीय रोशन यादव र उनका साथी सप्तरीको भारदह घर भएका २७ वर्षीय केशव यादवलाई पक्राउ परेका हुन् ।

मदिराको नशामा लठ्ठिएपछि आइतबार राति १० बजे होस्टेलको ढोका र सिसाहरू तोडफोड गरेको आरोपमा पक्राउ उनीहरुलाई पक्राउ गरिएको इलाका प्रहरी कार्यालय धरानका डिएपी ज्ञानेन्द्र बस्नेतले जानकारी दिए । ‘मदिरा सेवन गरेपछि मध्य राति होस्टेलमा सुत्न आएका रहेछन्,’ डिएसपी बस्नेतले भने, ‘मदिराको नशामा रहेका उनीहरूले होस्टेलको सिसाहरू फोरेको जानकारी पाएपछि प्रहरी टोली पुगेर पक्राउ गरेको हो ।’

पक्राउ परेका रोशन एमबीबीएस अध्ययरत हुन् । केशव मिल्ने साथी हुन् । केशव मेडिकल विद्यार्थी होइन् । पक्राउ परेका दुवै जनालाई अभद्र व्यवहारको मुद्दामा सोमबार म्याद थप गरी अनुसन्धान सुरू गरेको डिएसपी बस्नेतले जानकारी दिए ।


क्याटेगोरी : प्रदेश १, समाचार



तपाईको प्रतिक्रिया दिनुहोस


ट्रेण्डिङ