२०७९ असोज १२, बुधबार
Health Aawaj logo
गृहपृष्ठलुम्बिनी प्रदेशबुटवलका केही मासु पसल मापदण्ड विपरित, सुधार गर्न निर्देशन

बुटवलका केही मासु पसल मापदण्ड विपरित, सुधार गर्न निर्देशन


डी. आर. बन्जाडे

बुटवल—उद्योग वाणिज्य तथा उपभोक्ता संरक्षण कार्यालय भैरहवा, जिल्ला प्रशासन कार्यालय रुपन्देहीलगायतको टोलीले अनुगमन बुटवलका मासु पसलमा अनुगमन गरेको छ । अनुगमनको क्रममा बुटवलमा बिक्री हुने कतिपय पसलका माछा मासु खानै नहुने अवस्थामा रहेको पाइएको छ ।

हिन्दुहरुको पर्व तीजमा मासुको ठूलो माग भैरहेका बेला अस्वस्थकर माछा मासु बिक्री हुनु मानवीय स्वस्थ्यमाथिको गम्भीर खेलवाड भएको उपभोक्ता हित संरक्षण मञ्चले जनाएको छ ।

उद्योग वाणिज्य तथा उपभोक्ता संरक्षण कार्यालय, जिल्ला प्रशासन कार्यालय रुपन्देही, खाद्य प्रविधि तथा गुण नियन्त्रण कार्यालय, नापतौल कार्यालय बुटवल तथा जिल्ला भेटनरी कार्यालयको संयुक्त टोलीले अनुगमन गर्दा बुटवल बजार क्षेत्रबाट माछामासु बिक्री हुने केही पसलको मासु खान अयोग्य रहेको पाइएको छ । ‘अनुगमन पनि के भन्नु चाडपर्वको मुखमा मात्र गरे जस्तो गर्छन्,’ उपभोक्ता जयप्रकाश गौतम भन्छन्, ‘साँचै अनुगमन गर्ने भए पो हुन्थ्यो ।’

पसलहरुको नियमन गर्ने जिम्मेवारी पाएको बुटवल उप—महानगरपालिकाले अनुगमनका लागि खासै चाँसो नदिएका बेला संयुक्त रुपमा अनुगमन गर्दा बुटवलको नेपालगंज रोड र भुट्कीचोकका माछा, मासु तथा कुखुरा पसलहरुबाट बिक्री हुने माछामासु सामान्य सरसफाइमा समेत ध्यान नदिइएको पाइएको छ ।

नेपालगंज रोड र भुट्कीचोकका ७ वटा पसलहरुको अनुगमन गर्दा सबै पसलहरुमा अस्वस्थकर मासु बिक्री हुने गरेको भेटिएको छ । अनुगमनका क्रममा माछा तथा मासुपसलहरु मापदन्ड विपरित संचालन गरिरहेको भन्दै सचेत गराएको वाणिज्य आपूर्ति तथा उपभोक्ता सर्वेक्षण कार्यालय भैरहवाका निमित्त कार्यालय प्रमुख रुद्र ज्ञवालीले बताए । ‘माछा पसलहरु नाली माथि संचालन भैरहेका पाइयो, कुखुराका खोरहरु बाटो मै राखी कारोवार भैरहेको रहेछ । मासु पसलहरु पनि अव्यवस्थित रुपमा संचालन गरेको पाइयो,’ ज्ञवालीले भने, ‘मासु पसलहरु ब्यवस्थित र सरसफाइमा ध्यान दिन निर्देशन दिइएको छ । अन्यथा कारवाही गरिनेछ ।’

अनुगमनका क्रममा मासु पसलहरु मापदण्ड विपरित संचालनमा आएको पाइएको उनले बताए । उपभोक्ता संरक्षण कार्यालय भैरहवाले बुधवार एउटा होटलमा समेत अनुगमन गरेको थियो । होटलमा भने मापदण्ड मै संचालनमा रहेको ज्ञवालीको भनाइ छ । यसअघि हेल्थ आवाजमा अस्वस्थ मासुको खुलेआम बिक्री शीर्षकमा समाचार प्रकाशित भएको थियो ।


क्याटेगोरी : लुम्बिनी प्रदेश, समाचार



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)