५ हजार अक्सिजन सिलिण्डर थपिए, १९ अक्सिजन प्लान्ट थपिदैं

काठमाडौं–नेपालमा कोभिड–१९ को दोस्रो लहर सुरु भएसँगै ५ हजार नयाँ अक्सिजन सिलिण्डर थपिएका छन् । स्वास्थ्य तथा जनसंख्या मन्त्रालयले सोमबार आयोजना गरेको भर्चुअल पत्रकार सम्मेलनमा स्वास्थ्य मन्त्री हृदयेश त्रिपाठीले बैशाखयता ५ हजार अक्सिजन सिलिण्डर थपिएको जानकारी दिएका हुन् ।

उनकाअनुसार देशभर ३२ वटा अक्सिजन प्लान्ट सञ्चालनमा रहेकोमा १९ थप गर्ने प्रक्रिया अगाडि बढिसकेको छ ।

यस्तै, यो अवधिमा लिक्वीइड अक्सिजन टंयाक ३ वटा रहेको २७ थप गर्ने प्रक्रिया अगाडि बढाइएको छ ।

कोभिड–१९ को दोस्रो लहरमै ९ सय अक्सिजन कन्सनटेटर थप गरिएको छ ।