२०७८ असोज १, शुक्रबार
Health Aawaj logo
गृहपृष्ठसमाचारनिजी अस्पतालमा २ अर्ब ५० करोड लगानी गर्ने योजना बनाएका श्रेष्ठ बने स्वास्थ्य राज्यमन्त्री

निजी अस्पतालमा २ अर्ब ५० करोड लगानी गर्ने योजना बनाएका श्रेष्ठ बने स्वास्थ्य राज्यमन्त्री


काठमाडौं—शिक्षा क्षेत्रबाट कुस्त पैसा कमाएर स्वास्थ्य क्षेत्रमा आक्रामक लगानी गर्ने योजना बनाइरहेका उद्यमी उमेश श्रेष्ठ स्वास्थ्य तथा जनसंख्या राज्यमन्त्री नियुक्त भएका छन् । आइतबार प्रधानमन्त्री शेरबहादुर देउवाको सिफारिसमा राष्ट्रपति विद्यादेवी भण्डारीले उनलाई राज्यमन्त्रीमा नियुक्त गरेकी हुन् ।

श्रेष्ठ केही समयअघि गोदावरीको करिब २ सय रोपनी जग्गा पौने चार अर्बमा बेचेर चर्चामा आएका थिए । उक्त पैसा उनले होटल तथा स्वास्थ्य क्षेत्रमा लगानी गर्ने बताएका थिए ।

श्रेष्ठ अहिले जनमैत्री अस्पताल, महेन्द्रनारायण निधी अस्पताललगायतका अस्पतालमा पनि लगानी छ । केही समयअघि इकागजसँग कुराकानी गर्दै  उनले आफूले ‘हस्पिटल चेन’ बनाउने घोषणा नै गरेका थिए । उनले एकान्तकुनामा हेलोइस अस्पताल उच्च वर्गलाई लक्षित गरेर स्थापना गर्ने काम अगाडि बढाइसकेका छन् ।

यस्तै, नवनियुक्त राज्यमन्त्री श्रेष्ठले वर्षभित्र ५ वटा अस्पतालमा २ अर्ब ५० करोड लगानी गर्ने योजना अगाडि बढाइरहेका छन् । स्वास्थ्य क्षेत्रमा लगानी गर्न तम्सिरहेका श्रेष्ठले नै आइतबार स्वास्थ्य राज्यमन्त्रीको पद पुरस्कार पाएका हुन् ।


क्याटेगोरी : समाचार
ट्याग : #उमेश श्रेष्ठ, #स्वास्थ्य राज्यमन्त्री


तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)