स्वास्थ्य सचिव लक्ष्मण अर्यालको सरुवा

काठमाडौं—स्वास्थ्य तथा जनसंख्या मन्त्रालयका सचिव लक्ष्मण अर्यालको सरुवा भएको छ । १२ साउनको क्यानिबेट बैठकले सचिव अर्यालको सरुवा प्रधानमन्त्री तथा मन्त्रिपरिषद्को कार्यलयमा गरेको स्रोतले जनाएको छ ।

प्रशासनतर्फका सचिव अर्यालले मन्त्रालयमा स्वास्थ्य सेवातर्फको सचिवमा डा. रोशन पोखरेल नियुक्त भएसँगै अन्य मन्त्रालयमा जान चाहेका थिए ।

लामो समय स्वास्थ्य सचिवका रुपमा रहँदा अर्यालले खोप खरिदमा प्रभावकारी काम गरेका थिए । उनकै नेतृत्वमा स्वास्थ्यले चीनसँग ननडिस्क्लोजर एग्रीमेन्टअन्तर्गत ४० लाख डोज खोप खरिद गरेको थियो ।