एकैदिन ३१०० जनामा कोभिड-१९ पुष्टि, २३को मृत्यु

काठमाडौं – नेपालमा थप ३ हजार १ सय २५ जनामा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप ३ हजार १ सय २५ जनामा कोभिड-१९ संक्रमण पुष्टि भएको हो ।

पछिल्लो २४ घण्टामा १ हजार ९ सय २५  जनाले कोभिड-१९ संक्रमण जितेका छन् । यससँगै अहिलेसम्म नेपालमा कोभिड-१९ संक्रमणमुक्त हुनेको संख्या ६ लाख ५८ हजार १ सय २२ पुगेको छ । नेपालमा निको हुने दर ९४.१ प्रतिशत रहेको छ ।

कोभिड-१९ संक्रमणबाट पछिल्लो २४ घण्टामा २३ जनाको मृत्यु भएको छ । यससँगै अहिलेसम्म नेपालमा कोभिडबाट ज्यान गुमाउनेको संख्या ९ हजार ८ सय ९८ पुगेको छ ।

यस्तै, आइतबार सक्रिय संक्रमितको संख्या ३१ हजार ६ सय २९ रहेको मन्त्रालयले जनाएको छ ।