स्वास्थ्य सेवा विभागको महानिर्देशकमा डा. आरपी बिच्छा नियुक्त

काठमाडौं—स्वास्थ्य तथा जनसंख्या मन्त्रालयको पावरफूल निकायमा स्वास्थ्य सेवा विभागको महानिर्देशकको जिम्मेवारी डा. आरपी विच्छालाई दिइएको छ । स्वास्थ्य मन्त्रालयको जिम्मेवारी समेत सम्हालेका प्रधानमन्त्री शेरबहादुर देउवाले मंगलबार डा. विच्छालाई विभागको महानिर्देशकको जिम्मेवारी दिएका हुन् ।

११ औं तहका चिकित्सक बिच्छा यसअघि कान्ति बाल अस्पतालको निर्देशक थिए । ६ कात्तिकमा डा. विच्छाले अनिवार्य अवकास पाउँदैछन् । अवकास पाउनुअघि झण्डै ढाइ महिनाअघि उनले विभागको कमाण्ड सम्हाल्ने अवसर पाएका हुन् ।

यसअघि विभागको महानिर्देशकमा १२ औं तहका प्रमुख विशेषज्ञ डा. दीपेन्द्रमरण सिंह थिए ।