५ महिनामा करिब २ लाख संक्रमित थपिने सरकारको प्रक्षेपण

काठमाडौँ – सरकारले ५ महिनामा १ लाख ९३ हजार ८ सय ५६ जना नयाँ कोभिड-१९ संक्रमित थपिने प्रक्षेपण गरेको छ । स्वास्थ्य तथा जनसंख्या मन्त्रालयले बिहिबार अबको ५ महिनामा १ लाख ९३ हजार ८ सय ५६ जना नयाँ संक्रमित थपिने प्रक्षेपण प्रस्तुत गरेको हो ।

प्रक्षेपणअनुसार सबैभन्दा बढी साउनमा कोभिड-१९ संक्रमित थपिने छ। साउनमा ५३ हजार ३०७, भदौमा ४५ हजार ७२६, असोजमा ३८ हजार ५९७, कात्तिकमा ३१ हजार ४४ र मंसिरमा २५ हजार १८३ जना कोरोना संक्रमित थपिनेछन्।

जसमध्ये गम्भिर बिरामी देखिने ९ हजार ६९३ जना जसलाई संघन उपचार आवश्यक पर्ने मन्त्रालयको प्रक्षेपण छ।

यस्तै, ३८ हजार ७७१ जनालाई उपचार सेवा आवश्यक पर्ने बताइएको छ ।