विदेशी आयातलाई प्रोत्साहन गर्नेले सिटामोलका विषयमा अफवाह फैलाएः एपोन

काठमाडाैं- नेपाल औषधी उत्पादक संघ(एपाेन)ले अनावश्यक रुपमा मानिसहरुले घरमा पारासिटामोल संचित गरीदिदा बारमा अभाव भएको जनाएको छ ।

संघले मंगलवार विज्ञप्ती जारी गर्दै सामान्य अवस्थामा वर्षिक ७ करोड पारासिटामोल खपत हुने गरेकोमा हाल आएर एक व्यक्तिले १० गुणा सम्म बढी संचित गरेको उल्लेख छ ।

नेपालका औषधी उद्योगहरुले ९९ प्रतिशत पारासिटामोलको माग धानिरहेको अवस्थामा आयातलाई प्रोत्साहन गर्ने व्यक्तिले चलाइएको हल्लाको रुपमा दावी गरीएको छ ।

संघका अध्यक्ष प्रज्वल जंग पाण्डे र महासचिव विप्लव अधिकारको संयुक्त हस्ताक्षरमा जारी विज्ञप्तीमा बजारमा ४३ लाख ट्याव्लेट पारासिटामोल पठाइएको र माघको दोस्रो साता सम्म थप ७० लाख ट्याव्लेट पठाउने तयारीमा रहेको जानकारी दिइएको छ ।

साथै ३ करोड ८४ लाख ८३ हजार ट्याव्लेट उत्पादन गर्ने कच्चा पदार्थ उद्योगसंग मौज्दात रहेको उल्लेख छ । संघले चिकित्सकको सल्लाहा विना औषधी सेवन नगर्न पनि सुझाव दिएको छ भने थोक विक्रेताहरुलाई अनावश्यक संचित हुने अवस्थामा चनाखो हुन पनि अनुरोध गरेको छ ।