चीनमा ओमिक्रोन भेरियन्ट अनियन्त्रित बन्दै गएका कारण कोभिड संक्रमण तीव्र गतिमा फैलिरहेको छ । चीनले संक्रमण फैलिन नदिन देशैभर लकडाउनको अवस्था सिर्जना भइरहेको छ ।
कोभिड २०१९ मा चीनको वुहानबाट सुरु भएको थियो। चीनले दुई वर्षसम्म कडा नियम बनाएर संक्रमण नियन्त्रणमा राखे पनि पछिल्लो एक–दुई सातादेखि ओमिक्रोनका कारण दबाब बढिरहेको छ ।
राष्ट्रिय स्वास्थ्य आयोगका अनुसार शनिबारमात्रै एक हजार ६५६ स्थानीयमा संक्रमण पुष्टि भएको थियो । जसमध्ये जिलिनमा १ हजार १९१, फुजियानमा १ सय ५८, शानडोङमा ५१, ग्वाङ्दोङमा ५१ र लिओनिङ प्रान्तमा ३९ जनामा संक्रमित भएका छन् । ८१ जनामा संक्रमित चीन बाहिरबाट आएका थिए ।
शून्य कोभिड नीतिका कारण कोभिड प्रभावित प्रदेशको आर्थिक अवस्था नाजुक बन्दै गएको छ । नीति अनुसन्धान समूह (पोरेग), एक थिंक ट्याङ्कका विश्लेषकहरूका अनुसार चीनका स्थानीय सरकारहरूले ठूलो आर्थिक बोझको सामना गरिरहेका छन्।
चीनको लगानी बैंक तियानफेङ सेक्युरिटीजका अनुसार कोभिड नियन्त्रणका लागि देशभर प्रयोग भइरहेको मोडलले वित्तीय दबाब बढिरहेको छ । यसैबीच, सांघाईस्थित चीनको इन्टरनेशनल फाइनान्सियल एण्ड लजिस्टिक सेन्टर पोरेगका अनुसार चीन महामारीको सुरुवातदेखिकै सबैभन्दा खराब चरणबाट गुज्रिरहेको छ। यसले यसको अर्थतन्त्रलाई ठूलो धक्का दिन सक्छ।
गत हप्ता राष्ट्रपति सी जिनपिङले कोभिड नियन्त्रण गर्न उच्च अधिकारीहरूसँग भेटवार्ता गरेका थिए। उनले चीन शून्य कोभिड नीतिमा अडिग रहने बताए । सीले महामारीको फैलावटलाई नियन्त्रण गर्न वैज्ञानिक शुद्धताको महत्त्वमा जोड दिए।
स्थानीय प्रशासन प्रमुख क्यारी लामले भने कि हङकङमा कोभिड प्रतिबन्धको सोमबार समीक्षा गरिनेछ। अहिले त्यहाँ कडा प्रतिबन्धहरू छन्। हङकङले अष्ट्रेलिया र बेलायतलगायत नौ देशबाट आउने उडानहरू स्थगित गरेको छ।
