चिकित्सक लाइसेन्स परीक्षामा ४७५ जना पास, १ हजार बढी फेल

काठमाडौँ – नेपाल मेडिकल काउन्सिलको चिकित्सक लाइसेन्स परीक्षामा ४७५ जना विधार्थी मात्रै उत्तीर्ण भएका छन् । एमबीबीएस र बीडीएस उत्तीर्ण गरी लाइसेन्स परीक्षामा सहभागी ३१ दशमलव ८४ प्रतिशत चिकित्सक पास भएका हुन् ।

त्यस्तै, फेल हुनेको संख्या १ हजार १७ जना रहेको छ । परीक्षामा कुल १ हजार ४९४ जनाले परीक्षा दिएका थिए। भने, फारम भरेका २२ जना अनुपस्थित थिए ।

इन्जिनियरिङ अध्ययन् संस्थान, सूचना तथा सञ्चार प्रविधि केन्द्र पुल्चोक ललितपुरमा भएको लाइसेन्स परीक्षा तीन दिनसम्म चलेको थियो।