सामाजिक सुरक्षा कोषमा आवद्धहरुको उपचार शंकरापुर अस्पतालमा सुरू

काठमाडौं–जोरपाटीमा रहेको शंकरापुर अस्पतालले सामाजिक सुरुक्षा कोषमा आवद्ध भएका रोजगारदाता र कर्मचारीको उपचार सुरु गरेको छ । अस्पतालले सामाजिक सुरक्षा कोषसँग सम्झौता गरी सो कोषमा आवद्धको भएका नागरिकहरुको स्वास्थ्य उपचार सुरु गरेको हो ।

सो कोषमा आवद्ध रोजगारदाता र कर्मचारीले शंकरापुरमा उपचार गराउँदा उपचार बापत लागेको रकमको जम्मा २० प्रतिशत मात्र तिर्नुपर्ने हुन्छ ।

अस्पतालका निर्देशक डा. रमेश ढकालले सामाजिक सुरक्षा कोषले उपलब्ध गराउने स्वास्थ्य सेवा अस्पतालबाट लिँदा २० प्रतिशत मात्र तिरे पुग्ने बताए । ‘सुरक्षा कोषमा आवद्ध कोही पनि उपचार गराउन आउँदा लागेको खर्च २० प्रतिशत मात्र बुझाए पुग्छ,’ उनले भने, ‘उपचार गर्न आउँदा सामाजिक सुरक्षा कोषमा आवद्ध भएको प्रभाणपत्र भने अनिवार्य चाहिन्छ ।’