अमेरिकामा ३३ प्रतिशतले घट्यो क्यान्सर मृत्युदर

पछिल्ला तीन दशकमा अमेरिकामा क्यान्सरको कारण हुने मृत्युदर घटेको छ । अमेरिकन क्यान्सर सोसाइटीले एक रिपोर्ट जारी गर्दै उक्त सूचना दिएको सिएनएनले जनाएको छ ।

सन् १९९१ को तुलनामा हाल अमेरिकामा क्यान्सरका कारण हुने मृत्यु ३३ प्रतिशतले घटेको उक्त रिपोर्टमा जनाइएको छ । यसले लगभग ३८ लाख मानिसहरु क्यान्सरका कारण हुने मृत्युबाट जोगिएको बुझाउँदछ ।

क्यान्सरको कारण हुने मृत्यु ३३ प्रतिशतले घट्नु भनेको निकै सकारात्मक भएको अमेरिकन क्यान्सर सोसाइटीका प्रमुख कार्यकारी अधिकृतले बताए । उनले घट्दो धूम्रपान र समयमै क्यान्सर पत्ता लाग्नुले क्यान्सरको मृत्युदर घटेको बताए ।

उनले नयाँ आविष्कार तथा आधुनिक उपचारका कारण जटिल रोगहरूको पनि सजिलै उपचार गर्न सकिएको पनि बताए ।

त्यस्तै रिपोर्टमा एचपिभि भ्याक्सिनेसनले पनि यो रोगलाई घटाएको उनले जनाए । २० वर्षभन्दा कम उमेरका महिलाहरूमा क्यान्सरका कारण हुने मृत्युमा सन् २०१२ देखि २०१९  सम्ममा ६५ प्रतिशतले घटेको र त्यस समयमा यी भ्याक्सिनहरु लगाएको डा. विलियम दहुटले बताए ।

सिएनएनबाट भावानुवाद