जापानमा कोभिड १९ बाट एक महिनामै १० हजार बढीको मृत्यु

जापानमा जनवरीमा मात्रै १० हजार बढीको मृत्यु भएको जनाइएको छ । जापानको प्रिफेक्चुरल रिपोर्टहरूमा आधारित एक तथ्याङ्क अनुसार, देशले महामारीको सुरुवात पछि पहिलो पटक आफ्नो मासिक मृत्युको संख्या १० हजारभन्दा बढेको देखाएको हो ।

नोभेम्बरको महिनादेखि तीव्र गतिमा कोभिड १९ बाट मृत्यु हुनेको संख्या बढिरहेको छ । जापानमा डिसेम्बरमा मात्रै ७ हजार ६ सयको मृत्यु भएको थियो । तर जनवरीमा उक्त संख्या बढेको हो ।

जनावरीको मध्यदेखि भने कोभिड १९ को संक्रमण संख्या घटिरहेको जनाइएको छ ।

जापानले मे महिनामा कोरोनाभाइरसको कानुनी स्थितिलाई मौसमी इन्फ्लुएन्जा र अन्य सामान्य संक्रामक रोगहरू जस्तै श्रेणीमा डाउनग्रेड गर्ने निर्णय गरेको छ, यो एउटा ठूलो परिवर्तन हो जसले देशमा सामाजिक र आर्थिक गतिविधिहरूलाई थप सामान्य बनाउनेछ ।

द जापान टाइम्सबाट भावानुवाद