स्वास्थ्यबाट इन्द्रमणि भौतिक पूर्वाधारमा, अर्थबाट रमेशकुमार स्वास्थ्यमा

काठमाडौं—स्वास्थ्य तथा जनसंख्य मन्त्रालयका सहसचिव इन्द्रमणि पोखरेलको सरुवा भएको छ । सोमबार बसेको मन्त्रिपरिषद्को बैठकले सहसचिव पोखरेलको सरुवा भौतिक पूर्वाधार तथा यातायात व्यवस्था मन्त्रालयमा गरेको हो ।

उनको दरबन्दी पनि स्वास्थ्य मन्त्रालयअन्तर्गत नै रहेको छ । पोखरेल प्रशासनतर्फका सहसचिव हुन् ।

स्वास्थ्य मन्त्रालयमा भने अर्थ मन्त्रालयमा रहेका सहसचिव रमेशकुमार केसीलाई ल्याइएको छ । उनको दरबन्दी गृह मन्त्रालयमा रहेको छ ।

सरकारले सोमबार २६ जना सहसचिवको सरुवा गरेको हो ।