२०८१ साउन ६, आईतबार
Health Aawaj logo
गृहपृष्ठविश्वडाक्टरलाई बलात्कार गरेको आरोपमा नर्स पक्राउ

डाक्टरलाई बलात्कार गरेको आरोपमा नर्स पक्राउ


केरला-भारतको केरलामा एक महिला डाक्टरलाई बलात्कार गरेको र उनको नग्न तस्बिर सामाजिक सञ्जालमा पोस्ट गरेको आरोपमा भारतीय अधिकारीहरूले २४ वर्षीय पुरुष नर्सलाई पक्राउ गरेको छ ।

अनुसन्धानकर्ताहरूका अनुसार घटना गत वर्षको डिसेम्बरमा भएको थियो, जब दुवै कर्नाटकको एक अस्पतालमा कार्यरत थिए ।

प्रहरीका अनुसार त्रिशूर जिल्लाका निशम बाबुले २८ वर्षीय डाक्टरलाई कोइम्बटूरको एक अस्पतालमा नयाँ जागिर दिने झूटो आश्वासन दिएर बलात्कार गरेको खबर छ ।

शहरको एक होटलमा डाक्टरमाथि बलात्कार भएको आरोप लगाइएको थियो र उनलाई जालमा फसाएर उनको नग्न तस्बिर खिचिएको थियो ।

त्यसपछि नर्सले डाक्टरलाई आफ्नो नग्न तस्बिर सामाजिक सञ्जालमा सार्वजनिक गर्ने धम्की दिएर यौन दुर्व्यवहार गरेको आरोप लागेको छ ।

पीडितले खतरा महसुस गरेपछि आफ्नो नम्बर ब्लक गरेको बताइएको छ । त्यसपछि आरोपितले पीडितको नग्न तस्बिर सामाजिक सञ्जालमा सेयर गरेको बताइएको छ ।

प्रहरीका अनुसार बाबुलाई आईपीसीको धारा ३७६ (बलात्कार) र सूचना प्रविधि ऐन २००० को धारा ६७ए (इलेक्ट्रोनिक रूपमा यौनजन्य कार्य, इत्यादि भएको सामग्री प्रकाशन वा प्रसारण गरेकोमा सजाय) अन्तर्गत मुद्दा लगाइएको छ ।

एजेन्सीको सहयोगमा


क्याटेगोरी : विश्व, समाचार



तपाईको प्रतिक्रिया दिनुहोस


ट्रेण्डिङ