सुदूरपश्चिम र कर्णालीका सामाजिक विकास सचिव, बागमती र लुम्बिनीका स्वास्थ्य सचिव फेरिए

काठमाडौं—सरकारले बागमती प्रदेश र लुम्बिनी प्रदेशका स्वास्थ्य सचिवहरु फेरबदल गरेको छ । सोमबार मन्त्रिपरिषद्को बैठकले ४४ जना सहसचिवहरुको जिम्मेवारी हेरफेर गर्ने क्रममा बागमती र लुम्बिनीका स्वास्थ्य सचिव र सुदूरपश्चिम र कर्णालीका सामाजिक विकास मन्त्रालयका सचिव परिवर्तन भएका हुन् ।

बागमती प्रदेशको स्वास्थ्य सचिवमा श्रीराम तिवारी*लाई पठाइएको छ । यसअघि बागमतीका स्वास्थ्य सचिव बद्रीबहादुर खड्का थिए । उनको ठाउँमा कामकाजका लागि तिवारीलाई पठाइएको हो । लुम्बिनी प्रदेशको स्वास्थ्य सचिवको जिम्मेवारी डा. जनार्दन पन्थीले पाएका छन् । यसअघि डा. विनोदकुमार गिरी लुम्बिनी स्वास्थ्य सचिव थिए ।

कर्णाली र सुदूरपश्चिमको सामाजिक विकास मन्त्रालयको सचिव पनि सरकारले परिवर्तन गरेको छ । कर्णालीको सामाजिक सचिवको जिम्मेवारी भोजराज काफ्लेलाई जिम्मेवारी दिइएको छ भने सुदूरपश्चिमको सामाजिक विकास सचिवमा ज्ञानप्रसाद ढकाललाई कामकाज गर्न पठाउने निर्णय क्याबिनेटले गरेको छ ।

*यसअघि लुइटेल हुन गएकोमा सच्चाइएको छ ।