सिएमसी विद्यार्थी मृत्यु प्रकरण: उत्तरपुस्तिका खोस्ने डाक्टरहरू निलम्बित

काठमाडौं–चितवन मेडिकल कलेजको डेन्टल चौथो वर्षमा अध्यनरत सिम्रन थापाको शंकास्पद मृत्युपछि स्कुल अफ डेन्टल कलेजमा कार्यरत डा. अभिषेक गुप्ता र डा. हरेन्द्र सिंहलाई निलम्बन गरेको छ ।

२७ बैशाखमा लिइएको आन्तरीक परीक्षामा परिक्षा शुरु भएको १ घण्टामा थापाको उत्तर पुस्तिका खोसिदिएपछि उनले आफू बस्ने डेरामा आत्महत्या गरेकी थिइन् । उनको मृत्युपछि सिएमसीमा विद्यार्थीहरुले ओपिडी बन्द गर्नेलगायतका आन्दोलन गरेका थिए ।

आन्दोलनरत विद्यार्थीहरुले शिक्षकहरुको अपहेलनाका कारण थापाले आत्माहत्या गरेको आरोप लगाएका छन् । विद्यार्थीको चर्को दबाब परेपछि सिएमसी प्रशासनले डेन्टल कलेजमा कार्यरत चिकित्सकद्धयलाई निलम्बन गरेको सूचना प्रकाशित गरेको छ ।