एकै जिल्लामा एक वर्षमा २९ जना नवजात शिशुको मृत्यु

जुम्ला—जुम्लामा २९ नवजात शिशुको मृत्यु भएको छ । गत आर्थिक वर्ष ०७९/०८० एक वर्षमा २९ जना नवजात शिशुको मृत्यु भएको हो ।

जन्मेदेखि ७ दिनभित्र २३ जना र जन्मेको ८ देखि २८ दिन भित्र ५ जना नवजात शिशुको स्वास्थ्य संस्थामै मृत्यु भएको जनस्वास्थ्य कार्यालय जुम्लाको तथ्यांकमा रहेको छ ।

यस्तै, जन्मेको ७ दिन भित्र एक जना नवजात शिशुको स्वास्थ्य संस्था बाहिर घरमा मृत्यु भएको तथ्यांक रहेको जनस्वास्थ्य कार्यालय जुम्लाका तथ्यांक शाखा प्रमुख पदम खत्रीले बताए ।