कर्णाली स्वास्थ्य विज्ञान प्रतिष्ठानको डीनमा डा. पोखरेल नियुक्त

काठमाडौं– कर्णाली स्वाथ्य विज्ञान प्रतिष्ठानको रिक्त रहेको डीन पद्मा डा. प्रेनित पोखरेल नियुक्त भएका छन् । उनलाई प्रतिष्ठानका उपकुलपति डा. मंगल रावलले नियुक्त गरेका हुन् ।

दन्तरोग विशेषज्ञ डा.पोखरेल यसअघि कान्तिपुर डेन्टल कलेजमा प्राध्यापन गर्थे । प्रतिष्ठानका तत्कालिन डीन डा. रमेश भट्टराईले राजिनामा दिएपछि डीन पद खालि रहेको थियो ।

डा.पोखरेलले कर्णाली जस्तो प्रतिष्ठानमा डीन भएर काम गर्न पाउँदा खुसी लागेको बताए । उनले प्रतिष्ठानको शैक्षिक विकासमा आफूले सक्दो योगदान गर्ने समेत बताए ।

डा.पोखरेल नेपाल मेडिकल काउन्सिलका सदस्य पनि हुन् ।