स्वास्थ्य बिमा बाेर्डकाे निमित्त कार्यकारी निर्देशकमा डा. मदन नियुक्त

काठमाडौं—स्वास्थ्य बिमा बोर्डको निमित्त कार्यकारी निर्देशकमा डा. मदन उपाध्याय नियुक्त भएका छन् । सोमबार स्वास्थ्य तथा जनसंख्यामन्त्री मोहनबहादुर बस्नेतले मन्त्रालयको गुणस्तर मापन महाशाखाका प्रमुख समेत रहेका डा. उपाध्यायलाई थप जिम्मेवारी दिएका हुन् ।

सरकारले २४ असोजमा बोर्डका कार्कारी निर्देशक डा. दामोदर बसौलालाई निलम्वन गरेपछि उपाध्यायलाई थप जिम्मेवारी दिइएको हो ।

बोर्डको अध्यक्ष ८ महिनादेखि रिक्त रहेको छ । रिक्त बोर्डको अध्यक्षको जिम्मेवारी पनि डा. उपाध्यायले नै गर्दै आएका छन् ।

डा. उपाध्याय यसअघि पनि बोर्डको निमित्त कार्यकारी निर्देशक भइसकेका छन् ।