स्वास्थ्य मन्त्रालयद्वारा आयुर्वेदसम्बन्धी भ्रम फैलाइएको आरोप 

काठमाडौं– नेपाल आयुर्वेद स्वास्थ्यकर्मी समाजले स्वास्थ्य तथा जनसङ्ख्या मन्त्रालयलाई आयुर्वेद औषधि र उपचारसम्बन्धी भ्रम फैलाइएको आरोप लगाएको छ ।  स्वास्थ्यकर्मी समाजले नेपालमा आयुर्वेदको विकास र विस्तारमा आफूहरु चिन्तित रहेको अवस्थामा मन्त्रालयले यस क्षेत्रलाई धरासयी बनाउने षडयन्त्र गरेको आरोप लगाएको हो ।

मन्त्रालयले केही दिनअघि आयुर्वेदिक औषधिमा लेड (सिसा)को मात्रा अत्याधिक रहेको र यसबाट सचेत रहन आग्रह गर्दै एक विज्ञप्ति निकालेको थियो । सोही विषयलाई लिएर आयुर्वेद चिकित्सक सङ्घले मन्त्रालयलाई गम्भीर ध्यानाकर्षण गराएको छ ।

मन्त्रालयद्वारा कार्तिक १२ गते च नं १८० मार्फत दुई–दुई पटक प्रकाशन गरिएका प्रेस विज्ञप्ति तत्काल सच्याउन समेत सङ्घले माग गरेको छ ।