मुटुरोग विशेषज्ञ डा.ओम मूर्ति अनिलद्वारा विश्व रेकर्ड कायम 

काठमाडौं– वरिष्ठ मुटुरोग विशेषज्ञ तथा लेखक डा. ओम मूर्ति अनिलले विश्व रेकर्ड कायम गरेका छन् । डा. ओम मूर्तिले शुक्रवार राजधानीमा पत्रकार सम्मेलन गरी आफूले विश्व रेकर्ड कायम गरेको जनाएका हुन् ।

विश्व मुटु दिवसको अवसरमा २९ सेप्टेम्बर २०२३ अर्थात् २०८० असोज १२ गते शुक्रवार साँझ उनले आफ्नो फेसबुक पेजबाट प्रत्यक्ष प्रसारण (लाइभ)बाट मुटुरोगको रोकथामसम्बन्धी जनचेतनामूलक कार्यक्रम सञ्चालन गरेका थिए ।

‘कार्डियोभास्कुलर स्वास्थ्य सचेतनाका लागि सबैभन्दा बढी दर्शक’ भन्ने विषयमा उनले करिब आधा घण्टा लामो उक्त प्रस्तुति दिएका थिए ।उक्त लाइभ ११ हजार २१२ सय जना दर्शकले एकैपटक हेरेका थिए । भने ९ हजार जनाले शेयर गरेका थिए । त्यस क्रममा २० हजार लाइक र १८ हजार कमेन्ट आएका थिए । फेसबुक लाइभ प्रस्तुति सम्पन्न हुँदासम्म १ लाख ५० जनाले हेरेको डा. ओम मूर्ति अनिलले बताए ।

उनले हाल लाइभबाट विश्व रेकर्ड राखेको प्रमाणपत्र समेत पाइसकेको पत्रकारसँग बताए । यो रेकर्डले अन्तर्राष्ट्रियस्तरमा स्वास्थ्य सचेतनाका लागि सामाजिक सञ्जालको भूमिका र उचित प्रयोगको बारेमा उदाहरणीय रहेको उनी बताउँछन् ।