उच्च अदालत पाटनद्वारा नेपाल स्वास्थ्य व्यवसायी परिषद्का चार सदस्यको नियुक्ति खारेज

काठमाडौं—उच्च अदालत पाटनले नेपाल स्वास्थ्य व्यवसायी परिषद्का चार जना सदस्यहरुको नियुक्ति खारेज गरिदिएको छ । बुधबार अदालतका न्यायाधीसद्वय डिल्लीरत्न श्रेष्ठ र रमेश ढकालको संयुक्त इजलासले उनीहरुको नियुक्ति कानुन विपरित रहेको ठहर गर्दै खारेज गरिदिएको हो ।

नियुक्ति खारेजमा भएका चार जना सदस्यहरुमा माइकल देवकोटा, रामविनोद मेहता, सालिकराम धिताल र टोप थापा रहेका छन् ।

तर, उक्त नियुक्ति गैरकानुनी भएको भन्दैं उच्च अदालतमा रिट परेको थियो । जसमा मन्त्री बस्नेतले बाहुबलका आधारमा निर्वाचित हुनुपर्ने सदस्यको ठाउँमा मनोनित गरेको भन्दैं नियुक्ति खारेज गर्न माग गरिएको थियो ।

नियुक्ति खारेज भएका सदस्यहरुमध्ये सालिकराम धिताल भने अदालतमा आफूहरुको नियुक्ति विरुद्ध मुद्धा परेपछि राजीनामा दिएर विदेश गइसकेका छन् ।