रामराजा प्रतिष्ठान पूर्वाधार विकास समितिमा डा. चौधरी, विपीको सिनेट सदस्यमा डा. कार्की

काठमाडौं—सरकारले रामराजाप्रसाद सिंह स्वास्थ्य विज्ञान प्रतिष्ठान पूर्वाधार तयारी विकास समितिको अध्यक्षमा प्रा.डा. पशुपति चौधरीलाई नियुक्त गरेको छ । बिहीबार बसेको मन्त्रिपरिषद्को बैठकले डा. चौधरीलाई पूर्वाधार विकास तयारी समितिको अध्यक्षमा नियुक्त गरेको हो ।

यसैगरी, डा. वीरेन्द्रप्रसाद यादवलाई पूर्वाधार विकास तयारी सदस्यमा नियुक्त गरेको छ । डा. चौधरी सप्तरी र डा. यादव सिरहाका हुन् ।

यस्तै, बिहीबारकै क्याबिनेटले धरानस्थित विपी कोइराला स्वास्थ्य विज्ञान प्रतिष्ठानको सिनेट सदस्यमा प्रा.डा. ज्ञानेन्द्रमान सिंह कार्कीलाई नियुक्त गरेको छ । डा. कार्की वरिष्ठ स्त्री तथा प्रसुति रोग विशेषज्ञ हुन् ।